وقفت مها أمام محكمة الأسرة في مصر الجديدة طالبة الخلع من زوجها بعد قيامه بطردها في الثالثة من منتصف الليل خلال مشاجرة بينهما على قيامها بصرف أموال من حسابه بدون إذنه، وخرجت على سلم العقار بدون ملابس لتنقذها جارتها ثم تذهب لأسرتها في الصباح الباكر.
مها أمام محكمة الأسرة: الحقوني
سردت مها قصتها أمام محكمة الأسرة في مصر الجديدة، حيث وقفت ثابتة لا تريد العودة إلى زوجها من جديد، طالبة الخلع وقائلة «ده راجل مش قد المسئولية ومينفعش أعيش معاه ولا دقيقة واحدة بعد اللي عمله معايا».
وقالت مها عن قصتها أمام محكمة الأسرة «محمد اتقدم لأسرتي من حوالي 5 سنين عشان يتجوزني وأسرتي وافقت ساعتها واتفقنا على كل حاجة وبعدها كانت فترة الخطوبة سنة و6 شهور، وبعدها إتجوزنا».
مها تطلب الخلع أمام محكمة الأسرة
تابعت مها عن قصتها أمام محكمة الأسرة قائلة «في الفترة الأولى من الجواز مكنش في مشاكل تذكر وكنت عايشة فترة كويسة جدا تقريبا سنة أو سنة ونص، ومن بعدها الدنيا اتحولت والحياة اختلفت خالص بيني وبينه».
وأضافت مها عن قصتها «أول خناقة بيني وبينه أنا فاكراها كويس كانت على سبب تافه جدا أني نزلت جبت حاجات من السوبر ماركت مش على مزاجه وبعد الخناقة قالي روحي بيت أهلك ونزل من البيت وأنا مردتش أنزل وبعدها رجع شتمني وهزقني».
مها أمام محكمة الأسرة: زهقت من حياتي
استكملت مها قصتها أمام محكمة الأسرة قائلة «بعد الخناقة دي بقينا نتخانق كتير والحياة مبقتش كويسة وبعدها الأهل دخلوا بيني وبينه وحاولوا كتير يصلحوا لكن هو مبقاش طبيعي ومش ده البني آدم اللي كان كويس في أول الجواز».
أضافت مها عن قصتها «اتحول معايا 360 درجة ومن حوالي شهر اشتريت حاجات بالفيزا بتاعته ولما عرف عمل مشكلة كبيرة والخناقة كانت الساعة 3 الفجر مسكني من شعري وفتحي الباب وزقني برا الشقة وقفل الباب، وفي لحظة أنا مكنتش متخيلة أنا واقفة إزاي بالملابس الداخلية».
اختتمت مها «كنت خايفة أخبط أو أعلى صوتي حد يشوفني بالشكل ده خبط على جارتي وفتحت لي وخلتني عندها لحد الصبح روحت عن أهلي وحصل مشكلة كبيرة وطلبت الإنفصال رفض جيت محكمة الأسرة».
نقلاً عن : الجمهور الاخباري
تعليقات