في رد ناري يحمل طابع السخرية والدعابة، خرجت الإعلامية ياسمين عز عبر برنامجها “كلام الناس” على قناة MBC مصر، لتدافع بشدة عن النادي الأهلي بعد تعرضه لموجة من السخرية بسبب بدايته المتعثرة في الدوري الممتاز.
وانتقدت ياسمين ما أسمته بـ”الاستظراف الزائد” على ترتيب الأهلي في جدول الدوري، ووجهت رسائل لاذعة للمشجعين المنافسين الذين لم يحققوا بطولات منذ سنوات طويلة.
“بلاش استظراف على الأهلي”
وقالت ياسمين عز في بداية حديثها: “ماحدش يستظرف على الأهلي، اللي بيقولوا عايزين شاشة موبايل طويلة علشان يشوفوا ترتيب الأهلي، واللي بيهزروا وبيقولوا مفيش حد يغطس يشوف لنا ترتيبه في الدوري”.
وأضافت ساخرة من طول غياب بعض الأندية عن البطولات: “ما تنسوش نفسكم، آخر مرة خدتوا الدوري كان جرام الدهب بـ700 جنيه، وآخر مرة خدتوا بطولة أفريقيا سنة 2002، وقتها كان إمام عاشور عنده 4 سنين وزيزو كان في كي جي تو”.
“الأهلي راجع.. وانتوا ادعوا توصلوا التاني”
تابعت عز دفاعها عن النادي الأهلي مؤكدة عودته للمنافسة بقوة هذا الموسم: “مفيش مانع تفرحوا يومين، الأهلي راجع وهياخد الدوري إن شاء الله، وانتوا حاولوا توصلوا للمركز التاني، أو ما توصلوش، كلها أقدار مش بدعوتي ولا دعوتكم، يمكن بيراميدز ياخده، الله أعلم”.
كما دعت إلى التحلي بالروح الرياضية: “المهم نخلي قلوبنا بيضه زي الفانلات البيضه اللي ممكن نلبسها، دايمًا يكون فيه صفاء نية ونحب الخير لأخواتنا وزمايلنا”
“إمام عاشور لازم يبقى إمام آشور”
وفي تعليق طريف على إصابة لاعب الأهلي إمام عاشور بفيروس A، قالت ياسمين عز: “إمام عاشور لازم يغير اسمه ويبقى إمام آشور، نسبة للحضارة الآشورية، عشان يصد العين زي ما بيصد الكورة”.
نقلاً عن : الجمهور الاخباري
تعليقات